چھیڑ اے دل یہ کسی شوخ کے رخساروں سے — فراق گورکھپوری
شاعر
چھیڑ اے دل یہ کسی شوخ کے رخساروں سے
چھیڑ اے دل یہ کسی شوخ کے رخساروں سے
کھیلنا آہ دہکتے ہوئے انگاروں سے
ہم شب ہجر میں جب سوتی ہے ساری دنیا
ذکر کرتے ہیں ترا چھٹکے ہوئے تاروں سے
اشک بھر لائے کسی نے جو ترا نام لیا
اور کیا ہجر میں ہوتا ترے بیماروں سے
چھیڑ نغمہ کوئی گو دل کی شکستہ ہیں رگیں
ہم نکالیں گے صدا ٹوٹے ہوئے تاروں سے
ہم کو تیری ہے ضرورت نہ اسے بھول اے دوست
تیرے اقراروں سے مطلب ہے نہ انکاروں سے
ہم ہیں وہ بیکس و بے یار کہ بیٹھے بیٹھے
اپنا دکھ درد کہا کرتے ہیں دیواروں سے
اہل دنیا سے یہ کہتے ہیں مرے نالۂ دل
ہم صدا دیں گے غم ہجر کے میناروں سے
عشق ہمدردیٔ عالم کا روادار نہیں
ہو گئی بھول فراقؔ آپ کے غم خواروں سے
Chhed Ae Dil Yeh Kisi Shokh Ke Rukhsaron Se
Chhed ae dil yeh kisi shokh ke rukhsaron se
Khelna aah dehakte hue angaron se
Hum shab-e-hijr mein jab soti hai sari dunya
Zikr karte hain tera chhatke hue taron se
Ashk bhar laaye kisi ne jo tera naam liya
Aur kya hijr mein hota tere bimaron se
Chhed naghma koi go dil ki shikasta hain ragein
Hum nikalenge sada toote hue taron se
Hum ko teri hai zaroorat na use bhool ae dost
Tere iqraron se matlab hai na inkaron se
Hum hain woh be-kas o be-yar ke baithe baithe
Apna dukh dard kaha karte hain deewaron se
Ahl-e-dunya se yeh kehte hain mere nala-e-dil
Hum sada denge gham-e-hijr ke meenaron se
Ishq hamdardi-e-alam ka rawadar nahin
Ho gayi bhool Firaq aap ke gham-khwaron se