جنون کارگر ہے اور میں ہوں — فراق گورکھپوری
شاعر
جنون کارگر ہے اور میں ہوں
جنون کارگر ہے اور میں ہوں
حیات بے خبر ہے اور میں ہوں
مٹا کر دل نگاہ اولیں سے
تقاضائے دگر ہے اور میں ہوں
کہاں میں آ گیا اے زور پرواز
وبال بال و پر ہے اور میں ہوں
نگاہ اولیں سے ہو کے برباد
تقاضائے دگر ہے اور میں ہوں
مبارک باد ایام اسیری
غم دیوار و در ہے اور میں ہوں
تری جمعیتیں ہیں اور تو ہے
حیات منتشر ہے اور میں ہوں
کوئی ہو سست پیماں بھی تو یوں ہو
یہ شام بے سحر ہے اور میں ہوں
نگاہ بے محابا تیرے صدقے
کئی ٹکڑے جگر ہے اور میں ہوں
ٹھکانا ہے کچھ اس عذر ستم کا
تری نیچی نظر ہے اور میں ہوں
فراقؔ اک ایک حسرت مٹ رہی ہے
یہ ماتم رات بھر ہے اور میں ہوں
Junoon kaargar hai aur main hoon
Junoon kaargar hai aur main hoon
Hayat be-khabar hai aur main hoon
Mita kar dil nigah-e-awwalin se
Taqaza-e-digar hai aur main hoon
Kahan main aa gaya aye zor-e-parwaaz
Wabal-e-baal-o-par hai aur main hoon
Nigah-e-awwalin se ho ke barbaad
Taqaza-e-digar hai aur main hoon
Mubarak-bad-e-ayyam-e-aseeri
Gham-e-deewar-o-dar hai aur main hoon
Teri jam'iyatein hain aur tu hai
Hayat muntashir hai aur main hoon
Koi ho sust-paiman bhi to yoon ho
Yeh sham-e-be-sehar hai aur main hoon
Nigah-e-be-mohabbata tere sadqe
Kai tukde jigar hai aur main hoon
Thikana hai kuchh is uzr-e-sitam ka
Teri neechi nazar hai aur main hoon
Firaq! ek ek hasrat mit rahi hai
Yeh maatam raat bhar hai aur main hoon