کوئی پیغام محبت لب اعجاز تو دے — فراق گورکھپوری
شاعر
کوئی پیغام محبت لب اعجاز تو دے
کوئی پیغام محبت لب اعجاز تو دے
موت کی آنکھ بھی کھل جائے گی آواز تو دے
مقصد عشق ہم آہنگیٔ جزو و کل ہے
درد ہی درد سہی دل بوئے دم ساز تو دے
چشم مخمور کے عنوان نظر کچھ تو کھلیں
دل رنجور دھڑکنے کا کچھ انداز تو دے
اک ذرا ہو نشۂ حسن میں انداز خمار
اک جھلک عشق کے انجام کی آغاز تو دے
جو چھپائے نہ چھپے اور بتائے نہ بنے
دل عاشق کو ان آنکھوں سے کوئی راز تو دے
منتظر اتنی کبھی تھی نہ فضائے آفاق
چھیڑنے ہی کو ہوں پر درد غزل ساز تو دے
ہم اسیران قفس آگ لگا سکتے ہیں
فرصت نغمہ کبھی حسرت پرواز تو دے
عشق اک بار مشیت کو بدل سکتا ہے
عندیہ اپنا مگر کچھ نگہ ناز تو دے
قرب و دیدار تو معلوم کسی کا پھر بھی
کچھ پتہ سا فلک تفرقہ پرداز تو دے
منزلیں گرد کی مانند اڑی جاتی ہیں
ابلق دہر کچھ انداز تگ و تاز تو دے
کان سے ہم تو فراقؔ آنکھ کا لیتے ہیں کام
آج چھپ کر کوئی آواز پر آواز تو دے
Koi payam-e-mohabbat lab-e-eejaz to de
Koi payam-e-mohabbat lab-e-eejaz to de
Maut ki aankh bhi khul jaayegi awaaz to de
Maqsad-e-ishq ham-aahangi-e-juzv-o-kul hai
Dard hi dard sahi dil boo-e-dam-saaz to de
Chashm-e-makhmur ke unwan-e-nazar kuchh to khulein
Dil-e-ranjoor dhadakne ka kuchh andaaz to de
Ek zara ho nasha-e-husn mein andaaz-e-khumar
Ek jhalak ishq ke anjaam ki aaghaz to de
Jo chhupaye na chhupe aur bataye na bane
Dil-e-ashiq ko un aankhon se koi raaz to de
Muntazir itni kabhi thi na fiza-e-aafaq
Chhedne hi ko hoon pur-dard ghazal saaz to de
Hum aseeran-e-qafas aag laga sakte hain
Fursat-e-naghma kabhi hasrat-e-parwaaz to de
Ishq ek baar mashiyyat ko badal sakta hai
Andiya apna magar kuchh nigah-e-naaz to de
Qurb-o-deedar to maloom kisi ka phir bhi
Kuchh pata sa falak-e-tafriqa-pardaz to de
Manzilein gard ki maanind udi jaati hain
Ablagh-e-dehr kuchh andaaz-e-tag-o-taaz to de
Kaan se hum to Firaq! aankh ka lete hain kaam
Aaj chhup kar koi awaaz par awaaz to de