وقت غروب آج کرامات ہو گئی — فراق گورکھپوری
شاعر
وقت غروب آج کرامات ہو گئی
وقت غروب آج کرامات ہو گئی
زلفوں کو اس نے کھول دیا رات ہو گئی
کل تک تو اس میں ایسی کرامت نہ تھی کوئی
وہ آنکھ آج قبلۂ حاجات ہو گئی
اے سوز عشق تو نے مجھے کیا بنا دیا
میری ہر ایک سانس مناجات ہو گئی
اوچھی نگاہ ڈال کے اک سمت رکھ دیا
دل کیا دیا غریب کی سوغات ہو گئی
کچھ یاد آ گئی تھی وہ زلف شکن شکن
ہستی تمام چشمۂ ظلمات ہو گئی
اہل وطن سے دور جدائی میں یار کی
صبر آ گیا فراقؔ کرامات ہو گئی
Waqt-e-ghuroob aaj karamaat ho gayi
Waqt-e-ghuroob aaj karamaat ho gayi
Zulfon ko usne khol diya raat ho gayi
Kal tak to is mein aisi karamat na thi koi
Wo aankh aaj qibla-e-hajaat ho gayi
Aye soz-e-ishq tu ne mujhe kya bana diya
Meri har ek saans munajaat ho gayi
Ochhi nigah daal ke ek simt rakh diya
Dil kya diya ghareeb ki saugaat ho gayi
Kuchh yaad aa gayi thi wo zulf-e-shikan-shikan
Hasti tamam chashma-e-zulmaat ho gayi
Ahl-e-watan se door judai mein yaar ki
Sabr aa gaya Firaq! karamaat ho gayi