آگ ہے پھیلی ہوئی کالی گھٹاؤں کی جگہ — حبیب جالب
شاعر
آگ ہے پھیلی ہوئی کالی گھٹاؤں کی جگہ
آگ ہے پھیلی ہوئی کالی گھٹاؤں کی جگہ
بد دعائیں ہیں لبوں پر اب دعاؤں کی جگہ
انتخاب اہل گلشن پر بہت روتا ہے دل
دیکھ کر زاغ و زغن کو خوش نواؤں کی جگہ
کچھ بھی ہوتا پر نہ ہوتے پارہ پارہ جسم و جاں
راہزن ہوتے اگر ان رہنماؤں کی جگہ
لٹ گئی اس دور میں اہل قلم کی آبرو
بک رہے ہیں اب صحافی بیسواؤں کی جگہ
کچھ تو آتا ہم کو بھی جاں سے گزرنے کا مزہ
غیر ہوتے کاش جالبؔ آشناؤں کی جگہ
Aag hai phaili hui kaali ghataon ki jagah
Aag hai phaili hui kaali ghataon ki jagah
Bad duaen hain labon par ab duaon ki jagah
Intikhab-e-ahl-e-gulshan par bahut rota hai dil
Dekh kar zaagh-o-zaghan ko khush nawaon ki jagah
Kuchh bhi hota par na hote paara paara jism-o-jaan
Rahzan hote agar in rahnumaon ki jagah
Lut gayi is daur mein ahl-e-qalam ki aabroo
Bik rahe hain ab sahhafi beswaon ki jagah
Kuchh to aata hum ko bhi jaan se guzarne ka maza
Ghair hote kaash Jaalib, aashnaon ki jagah
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں