میں غزل کہوں تو کیسے کہ جدا ہیں میری راہیں — حبیب جالب
شاعر
میں غزل کہوں تو کیسے کہ جدا ہیں میری راہیں
میں غزل کہوں تو کیسے کہ جدا ہیں میری راہیں
مرے ارد گرد آنسو ،مرے آس پاس آہیں
نہ وہ عارضوں کی صبحیں نہ وہ گیسوؤں کی شامیں
کہیں دور رہ گئی ہیں مرے شوق کی پناہیں
نہ فریب دے سکے گی ہمیں اب کسی کی چاہت
کہ رلا چکی ہیں ہم کو تری کم سخن نگاہیں
کہیں گیس کا دھواں ہے کہیں گولیوں کی بارش
شبِ عہدِ کم نگاہی تجھے کس طرح سراہیں
کوئی دم کی رات ہے یہ ،کوئی پل کی بات ہے یہ
نہ رہے گا کوئی قاتل ، نہ رہیں گی قتل گاہیں
میں زمیں کا آدمی ہوں، مجھے کام ہے زمیں سے
یہ فلک پہ رہنے والے مجھے چاہیں یا نہ چاہیں
نہ مذاق اڑا سکیں گے مری مفلسی کا جالب
یہ بلند بام ایواں ،یہ عظیم بارگاہیں
Main Ghazal Kahoon To Kaise Ke Juda Hain Meri Raahein
Main ghazal kahoon to kaise ke juda hain meri raahein
Mere ard gird aansoo, mere aas paas aahein
Na woh aarizon ki subhein na woh gesuon ki shaamein
Kahin door reh gayi hain mere shauq ki panaahein
Na fareb de sakegi hamein ab kisi ki chahat
Ke rula chuki hain hum ko teri kam sukhan nigaahein
Kahin gas ka dhuaan hai kahin goliyon ki baarish
Shab-e-ehd-e-kam-nigahi tujhe kis tarah sarahain
Koi dum ki raat hai yeh, koi pal ki baat hai yeh
Na rahega koi qatil, na rahein gi qatl-gaahein
Main zameen ka aadmi hoon, mujhe kaam hai zameen se
Yeh falak pe rehne wale mujhe chaahein ya na chaahein
Na mazaak uda sakenge meri muflisi ka Jaleb
Yeh buland baam aiwaan, yeh azeem baargaahein
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں