اپنی جنگ رہے گی — حبیب جالب
شاعر
اپنی جنگ رہے گی
جب تک چند لٹیرے اس دھرتی کو گھیرے ہیں
اپنی جنگ رہے گی
اہل ہوس نے جب تک اپنے دام بکھیرے ہیں
اپنی جنگ رہے گی
مغرب کے چہرے پر یارو اپنے خون کی لالی ہے
لیکن اب اس کے سورج کی ناؤ ڈوبنے والی ہے
مشرق کی تقدیر میں جب تک غم کے اندھیرے ہیں
اپنی جنگ رہے گی
ظلم کہیں بھی ہو ہم اس کا سر خم کرتے جائیں گے
محلوں میں اب اپنے لہو کے دئے نہ جلنے پائیں گے
کٹیاؤں سے جب تک صبحوں نے منہ پھیرے ہیں
اپنی جنگ رہے گی
جان لیا اے اہل کرم تم ٹولی ہو عیاروں کی
دست نگر کیوں بن کے رہے یہ بستی ہے خودداروں کی
ڈوبے ہوئے دکھ درد میں جب تک سانجھ سویرے ہیں
اپنی جنگ رہے گی
Apni Jang Rahegi
Jab tak chand lutere is dharti ko ghere hain
Apni jang rahegi
Ahle hawas ne jab tak apne daam bikhere hain
Apni jang rahegi
Maghrib ke chehre par yaaro apne khoon ki laali hai
Lekin ab is ke Sooraj ki naao doobne wali hai
Mashriq ki taqdeer mein jab tak gham ke andhere hain
Apni jang rahegi
Zulm kahin bhi ho hum is ka sar kham karte jaayenge
MehloN mein ab apne lahoo ke diye na jalne paaenge
Kutiyon se jab tak subahon ne munh phere hain
Apni jang rahegi
Jaan liya ae ahle karam tum toli ho ayyaron ki
Dast-nagar kyun ban ke rahe yeh basti hai khuddaaron ki
Doobe hue dukh dard mein jab tak saanjh savere hain
Apni jang rahegi
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں