اب تیری ضرورت بھی بہت کم ہے مری جاں — حبیب جالب
شاعر
اب تیری ضرورت بھی بہت کم ہے مری جاں
اب تیری ضرورت بھی بہت کم ہے مری جاں
اب شوق کا کچھ اور ہی عالم ہے مری جاں
اب تذکرۂ خندۂ گل بار ہے جی پر
جاں وقف غم گریہ شبنم ہے مری جاں
رخ پر ترے بکھری ہوئی یہ زلف سیہ تاب
تصویر پریشانئ عالم ہے مری جاں
یہ کیا کہ تجھے بھی ہے زمانے سے شکایت
یہ کیا کہ تری آنکھ بھی پر نم ہے مری جاں
ہم سادہ دلوں پر یہ شب غم کا تسلط
مایوس نہ ہو اور کوئی دم ہے مری جاں
یہ تیری توجہ کا ہے اعجاز کہ مجھ سے
ہر شخص ترے شہر کا برہم ہے مری جاں
اے نزہت مہتاب ترا غم ہے مری زیست
اے نازش خورشید ترا غم ہے مری جاں
Ab teri zarurat bhi bahut kam hai meri jaan
Ab teri zarurat bhi bahut kam hai meri jaan
Ab shauq ka kuchh aur hi aalam hai meri jaan
Ab tazkira-e-khanda-e-gul baar hai ji par
Jaan waqf-e-gham-e-girya-e-shabnam hai meri jaan
Rukh par tere bikhri hui yeh zulf-e-siyah-tab
Tasveer-e-pareshaani-e-aalam hai meri jaan
Yeh kya ke tujhe bhi hai zamane se shikayat
Yeh kya ke teri aankh bhi pur nam hai meri jaan
Hum saada dilon par yeh shab-e-gham ka tasallut
Mayoos na ho aur koi dam hai meri jaan
Yeh teri tawajjoh ka hai ejaz ke mujh se
Har shakhs tere shahar ka barham hai meri jaan
Ae nuzhat-e-mehtab tera gham hai meri zeest
Ae nazish-e-khursheed tera gham hai meri jaan
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں