افسوس تمہیں کار کے شیشے کا ہوا ہے — حبیب جالب
شاعر
افسوس تمہیں کار کے شیشے کا ہوا ہے
افسوس تمہیں کار کے شیشے کا ہوا ہے
پروا نہیں اک ماں کا جو دل ٹوٹ گیا ہے
ہوتا ہے اثر تم پہ کہاں نالۂ غم کا
برہم جو ہوئی بزم طرب اس کا گلا ہے
فرعون بھی نمرود بھی گزرے ہیں جہاں میں
رہتا ہے یہاں کون یہاں کون رہا ہے
تم ظلم کہاں تک تہ افلاک کرو گے
یہ بات نہ بھولو کہ ہمارا بھی خدا ہے
آزادئ انساں کے وہیں پھول کھلیں گے
جس جا پہ ظہیر آج ترا خون گرا ہے
تا چند رہے گی یہ شب غم کی سیاہی
رستہ کوئی سورج کا کہیں روک سکا ہے
تو آج کا شاعر ہے تو کر میری طرح بات
جیسے مرے ہونٹوں پہ مرے دل کی صدا ہے
Afsos tumhein car ke sheeshe ka hua hai
Afsos tumhein car ke sheeshe ka hua hai
Parwa nahin ek maa ka jo dil toot gaya hai
Hota hai asar tum pe kahan nala-e-gham ka
Barham jo hui bazm-e-tarab is ka gila hai
Firaun bhi Namrud bhi guzre hain jahan mein
Rehta hai yahan kaun yahan kaun raha hai
Tum zulm kahan tak teh-e-aflaak karo ge
Yeh baat na bhoolo ke hamara bhi Khuda hai
Azadi-e-insaan ke wahin phool khilenge
Jis ja pe Zaheer aaj tera khoon gira hai
Ta chand rahe gi yeh shab-e-gham ki siyahi
Rasta koi suraj ka kahin rok saka hai
Tu aaj ka shair hai to kar meri tarah baat
Jaise mere honton pe mere dil ki sada hai
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں