اپنوں نے وہ رنج دئے ہیں بیگانے یاد آتے ہیں — حبیب جالب
شاعر
اپنوں نے وہ رنج دئے ہیں بیگانے یاد آتے ہیں
اپنوں نے وہ رنج دئے ہیں بیگانے یاد آتے ہیں
دیکھ کے اس بستی کی حالت ویرانے یاد آتے ہیں
اس نگری میں قدم قدم پہ سر کو جھکانا پڑتا ہے
اس نگری میں قدم قدم پر بت خانے یاد آتے ہیں
آنکھیں پر نم ہو جاتی ہیں غربت کے صحراؤں میں
جب اس رم جھم کی وادی کے افسانے یاد آتے ہیں
ایسے ایسے درد ملے ہیں نئے دیاروں میں ہم کو
بچھڑے ہوئے کچھ لوگ پرانے یارانے یاد آتے ہیں
جن کے کارن آج ہمارے حال پہ دنیا ہستی ہے
کتنے ظالم چہرے جانے پہچانے یاد آتے ہیں
یوں نہ لٹی تھی گلیوں دولت اپنے اشکوں کی
روتے ہیں تو ہم کو اپنے غم خانے یاد آتے ہیں
کوئی تو پرچم لے کر نکلے اپنے گریباں کا جالبؔ
چاروں جانب سناٹا ہے دیوانے یاد آتے ہیں
Apnon ne woh ranj diye hain begaane yaad aate hain
Apnon ne woh ranj diye hain begaane yaad aate hain
Dekh ke is basti ki halat veerane yaad aate hain
Is nagri mein qadam qadam pe sar ko jhukana padta hai
Is nagri mein qadam qadam par but-khane yaad aate hain
Aankhen pur nam ho jaati hain ghurbat ke sehraon mein
Jab is rim jhim ki wadi ke afsane yaad aate hain
Aise aise dard mile hain naye diyaron mein hum ko
Bichhde hue kuchh log purane yarane yaad aate hain
Jin ke kaaran aaj hamare haal pe duniya hansti hai
Kitne zaalim chehre jaane pehchane yaad aate hain
Yun na luti thi galiyon daulat apne ashkon ki
Rote hain to hum ko apne gham-khane yaad aate hain
Koi to parcham le kar nikle apne girebaan ka Jaalib
Charon jaanib sannata hai deewane yaad aate hain
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں