اور سب بھول گئے حرف صداقت لکھنا — حبیب جالب
شاعر
اور سب بھول گئے حرف صداقت لکھنا
اور سب بھول گئے حرف صداقت لکھنا
رہ گیا کام ہمارا ہی بغاوت لکھنا
لاکھ کہتے رہیں ظلمت کو نہ ظلمت لکھنا
ہم نے سیکھا نہیں پیارے بہ اجازت لکھنا
نہ صلے کی نہ ستائش کی تمنا ہم کو
حق میں لوگوں کے ہماری تو ہے عادت لکھنا
ہم نے جو بھول کے بھی شہہ کا قصیدہ نہ لکھا
شاید آیا اسی خوبی کی بدولت لکھنا
اس سے بڑھ کر مری تحسین بھلا کیا ہوگی
پڑھ کے نا خوش ہیں مرا صاحب ثروت لکھنا
دہر کے غم سے ہوا ربط تو ہم بھول گئے
سرو قامت کو جوانی کو قیامت لکھنا
کچھ بھی کہتے ہیں کہیں شہہ کے مصاحب جالبؔ
رنگ رکھنا یہی اپنا اسی صورت لکھنا
Aur sab bhool gaye harf-e-sadaqat likhna
Aur sab bhool gaye harf-e-sadaqat likhna
Reh gaya kaam hamara hi baghawat likhna
Lakh kehte rahein zulmat ko na zulmat likhna
Hum ne seekha nahin pyare ba-ijazat likhna
Na sile ki na sitaish ki tamanna hum ko
Haq mein logon ke hamari to hai aadat likhna
Hum ne jo bhool ke bhi shah ka qaseeda na likha
Shayad aaya isi khoobi ki badaulat likhna
Is se badh kar meri tahseen bhala kya hogi
Padh ke na-khush hain mera sahib-e-sarwat likhna
Dehr ke gham se hua rabt to hum bhool gaye
Sarv-qamat ko jawani ko qayamat likhna
Kuchh bhi kehte hain kahin shah ke musahib Jaalib
Rang rakhna yehi apna isi surat likhna
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں