بٹے رہو گے تو اپنا یوں ہی بہے گا لہو — حبیب جالب
شاعر
بٹے رہو گے تو اپنا یوں ہی بہے گا لہو
بٹے رہو گے تو اپنا یوں ہی بہے گا لہو
ہوئے نہ ایک تو منزل نہ بن سکے گا لہو
ہو کس گھمنڈ میں اے لخت لخت دیدہ ورو
تمہیں بھی قاتل محنت کشاں کہے گا لہو
اسی طرح سے اگر تم انا پرست رہے
خود اپنا راہنما آپ ہی بنے گا لہو
سنو تمہارے گریبان بھی نہیں محفوظ
ڈرو تمہارا بھی اک دن حساب لے گا لہو
اگر نہ عہد کیا ہم نے ایک ہونے کا
غنیم سب کا یوں ہی بیچتا رہے گا لہو
کبھی کبھی مرے بچے بھی مجھ سے پوچھتے ہیں
کہاں تک اور تو خشک اپنا ہی کرے گا لہو
صدا کہا یہی میں نے قریب تر ہے وہ دور
کہ جس میں کوئی ہمارا نہ پی سکے گا لہو
Bate raho ge to apna yun hi bahe ga lahu
Bate raho ge to apna yun hi bahe ga lahu
Hue na ek to manzil na ban sake ga lahu
Ho kis ghamand mein ae lakht lakht dida waro
Tumhein bhi qatil-e-mehnat kashaan kahe ga lahu
Isi tarah se agar tum ana parast rahe
Khud apna rahnuma aap hi bane ga lahu
Suno tumhare girebaan bhi nahin mahfooz
Daro tumhara bhi ek din hisab le ga lahu
Agar na ahad kiya hum ne ek hone ka
Ghaneem sab ka yun hi bechta rahe ga lahu
Kabhi kabhi mere bachche bhi mujh se poochhte hain
Kahan tak aur tu khushk apna hi kare ga lahu
Sada kaha yehi main ne qareeb tar hai woh daur
Ke jis mein koi hamara na pee sake ga lahu
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں