بھلا بھی دے اسے جو بات ہو گئی پیارے — حبیب جالب
شاعر
بھلا بھی دے اسے جو بات ہو گئی پیارے
بھلا بھی دے اسے جو بات ہو گئی پیارے
نئے چراغ جلا رات ہو گئی پیارے
تری نگاہ پشیماں کو کیسے دیکھوں گا
کبھی جو تجھ سے ملاقات ہو گئی پیارے
نہ تیری یاد نہ دنیا کا غم نہ اپنا خیال
عجیب صورت حالات ہو گئی پیارے
اداس اداس ہیں شمعیں بجھے بجھے ساغر
یہ کیسی شام خرابات ہو گئی پیارے
وفا کا نام نہ لے گا کوئی زمانے میں
ہم اہل دل کو اگر مات ہو گئی پیارے
تمہیں تو ناز بہت دوستوں پہ تھا جالبؔ
الگ تھلگ سے ہو کیا بات ہو گئی پیارے
Bhula bhi de use jo baat ho gayi pyare
Bhula bhi de use jo baat ho gayi pyare
Naye chiragh jala raat ho gayi pyare
Teri nigah-e-pashiman ko kaise dekhunga
Kabhi jo tujh se mulaqat ho gayi pyare
Na teri yaad na duniya ka gham na apna khayal
Ajeeb soorat-e-halaat ho gayi pyare
Udaas udaas hain shamaen bujhe bujhe saghar
Yeh kaisi sham-e-kharabaat ho gayi pyare
Wafa ka naam na lega koi zamane mein
Hum ahl-e-dil ko agar maat ho gayi pyare
Tumhein to naaz bahut doston pe tha Jaalib
Alag thalag se ho kya baat ho gayi pyare
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں