دل پر جو زخم ہیں وہ دکھائیں کسی کو کیا — حبیب جالب
شاعر
دل پر جو زخم ہیں وہ دکھائیں کسی کو کیا
دل پر جو زخم ہیں وہ دکھائیں کسی کو کیا
اپنا شریک درد بنائیں کسی کو کیا
ہر شخص اپنے اپنے غموں میں ہے مبتلا
زنداں میں اپنے ساتھ رلائیں کسی کو کیا
بچھڑے ہوئے وہ یار وہ چھوڑے ہوئے دیار
رہ رہ کے ہم کو یاد جو آئیں کسی کو کیا
رونے کو اپنے حال پہ تنہائی ہے بہت
اس انجمن میں خود پہ ہنسائیں کسی کو کیا
وہ بات چھیڑ جس میں جھلکتا ہو سب کا غم
یادیں کسی کی تجھ کو ستائیں کسی کو کیا
سوئے ہوئے ہیں لوگ تو ہوں گے سکون سے
ہم جاگنے کا روگ لگائیں کسی کو کیا
جالبؔ نہ آئے گا کوئی احوال پوچھنے
دیں شہر بے حساں میں صدائیں کسی کو کیا
Dil par jo zakhm hain woh dikhaen kisi ko kya
Dil par jo zakhm hain woh dikhaen kisi ko kya
Apna shareek-e-dard banaen kisi ko kya
Har shakhs apne apne ghamon mein hai mubtala
Zindan mein apne saath rulaen kisi ko kya
Bichhde hue woh yaar woh chhode hue dayar
Reh reh ke hum ko yaad jo aaen kisi ko kya
Rone ko apne haal pe tanhai hai bahut
Is anjuman mein khud pe hansaen kisi ko kya
Woh baat chhed jis mein jhalakta ho sab ka gham
Yaaden kisi ki tujh ko sataen kisi ko kya
Soye hue hain log to honge sukoon se
Hum jaagne ka rog lagaen kisi ko kya
Jaalib, na aaye ga koi ahwal poochhne
Dein shahar-e-be-hissaan mein sadaen kisi ko kya
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں