دل پر شوق کو پہلو میں دبائے رکھا — حبیب جالب
شاعر
دل پر شوق کو پہلو میں دبائے رکھا
دل پر شوق کو پہلو میں دبائے رکھا
تجھ سے بھی ہم نے ترا پیار چھپائے رکھا
چھوڑ اس بات کو اے دوست کہ تجھ سے پہلے
ہم نے کس کس کو خیالوں میں بسائے رکھا
غیر ممکن تھی زمانے کے غموں سے فرصت
پھر بھی ہم نے ترا غم دل میں بسائے رکھا
پھول کو پھول نہ کہتے سو اسے کیا کہتے
کیا ہوا غیر نے کالر پہ سجائے رکھا
جانے کس حال میں ہیں کون سے شہروں میں ہیں وہ
زندگی اپنی جنہیں ہم نے بنائے رکھا
ہائے کیا لوگ تھے وہ لوگ پری چہرہ لوگ
ہم نے جن کے لیے دنیا کو بھلائے رکھا
اب ملیں بھی تو نہ پہچان سکیں ہم ان کو
جن کو اک عمر خیالوں میں بسائے رکھا
Dil par shauq ko pehlu mein dabaye rakha
Dil par shauq ko pehlu mein dabaye rakha
Tujh se bhi hum ne tera pyar chhupaye rakha
Chhod is baat ko ae dost ke tujh se pehle
Hum ne kis kis ko khayalon mein basaye rakha
Ghair mumkin thi zamane ke ghamon se fursat
Phir bhi hum ne tera gham dil mein basaye rakha
Phool ko phool na kehte so use kya kehte
Kya hua ghair ne collar pe sajaye rakha
Jaane kis haal mein hain kaun se shahron mein hain woh
Zindagi apni jinhein hum ne banaye rakha
Haaye kya log the woh log pari chehra log
Hum ne jin ke liye duniya ko bhulaye rakha
Ab milein bhi to na pehchan sakein hum un ko
Jin ko ek umar khayalon mein basaye rakha
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں