دشمنوں نے جو دشمنی کی ہے — حبیب جالب
شاعر
دشمنوں نے جو دشمنی کی ہے
دشمنوں نے جو دشمنی کی ہے
دوستوں نے بھی کیا کمی کی ہے
خامشی پر ہیں لوگ زیر عتاب
اور ہم نے تو بات بھی کی ہے
مطمئن ہے ضمیر تو اپنا
بات ساری ضمیر ہی کی ہے
اپنی تو داستاں ہے بس اتنی
غم اٹھائے ہیں شاعری کی ہے
اب نظر میں نہیں ہے ایک ہی پھول
فکر ہم کو کلی کلی کی ہے
پا سکیں گے نہ عمر بھر جس کو
جستجو آج بھی اسی کی ہے
جب مہ و مہر بجھ گئے جالبؔ
ہم نے اشکوں سے روشنی کی ہے
Dushmanon ne jo dushmani ki hai
Dushmanon ne jo dushmani ki hai
Doston ne bhi kya kami ki hai
Khamoshi par hain log zer-e-itaab
Aur hum ne to baat bhi ki hai
Mutmain hai zameer to apna
Baat saari zameer hi ki hai
Apni to dastaan hai bas itni
Gham uthaye hain shayari ki hai
Ab nazar mein nahin hai ek hi phool
Fikr hum ko kali kali ki hai
Pa sakenge na umar bhar jis ko
Justuju aaj bhi usi ki hai
Jab mah-o-mehar bujh gaye Jaalib
Hum ne ashkon se roshni ki hai
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں