ہم نے دل سے تجھے سدا مانا — حبیب جالب
شاعر
ہم نے دل سے تجھے سدا مانا
ہم نے دل سے تجھے سدا مانا
تو بڑا تھا تجھے بڑا مانا
میرؔ و غالبؔ کے بعد انیسؔ کے بعد
تجھ کو مانا بڑا بجا مانا
تو کہ دیوانۂ صداقت تھا
تو نے بندے کو کب خدا مانا
تجھ کو پروا نہ تھی زمانے کی
تو نے دل ہی کا ہر کہا مانا
تجھ کو خود پہ تھا اعتماد اتنا
خود ہی کو تو نہ رہنما مانا
کی نہ شب کی کبھی پذیرائی
صبح کو لائق ثنا مانا
ہنس دیا سطح ذہن عالم پر
جب کسی بات کا برا مانا
یوں تو شاعر تھے اور بھی اے جوشؔ
ہم نے تجھ سا نہ دوسرا مانا
Hum ne dil se tujhe sada mana
Hum ne dil se tujhe sada mana
Tu baRa tha tujhe baRa mana
Meer o Ghalib ke baad Anees ke baad
Tujh ko mana baRa baja mana
Tu ke deewanah sadaqat tha
Tu ne bande ko kab Khuda mana
Tujh ko parwa na thi zamane ki
Tu ne dil hi ka har kaha mana
Tujh ko khud pe tha aetimad itna
Khud hi ko tu ne rahnuma mana
Ki na shab ki kabhi paziraai
Subah ko laaiq sana mana
Hans diya sat'h-e-zehn-e-alam par
Jab kisi baat ka bura mana
Yun to shaa'ir the aur bhi ae Josh
Hum ne tujh sa na doosra mana
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں