اک شخص با ضمیر مرا یار مصحفیؔ — حبیب جالب
شاعر
اک شخص با ضمیر مرا یار مصحفیؔ
اک شخص با ضمیر مرا یار مصحفیؔ
میری طرح وفا کا پرستار مصحفیؔ
رہتا تھا کج کلاہ امیروں کے درمیاں
یکسر لئے ہوئے مرا کردار مصحفیؔ
دیتے ہیں داد غیر کو کب اہل لکھنؤ
کب داد کا تھا ان سے طلب گار مصحفیؔ
نا قدریٔ جہاں سے کئی بار آ کے تنگ
اک عمر شعر سے رہا بیزار مصحفیؔ
دربار میں تھا بار کہاں اس غریب کو
برسوں مثال میرؔ پھرا خوار مصحفیؔ
میں نے بھی اس گلی میں گزاری ہے رو کے عمر
ملتا ہے اس گلی میں کسے پیار مصحفیؔ
Ik shakhs ba zameer mera yaar Mus'hafi
Ik shakhs ba-zameer mera yaar Mus'hafi
Meri tarah wafa ka parastar Mus'hafi
Rehta tha kaj-kulaah ameer-on ke darmiyan
Yaksar liye hue mera kirdaar Mus'hafi
Dete hain daad ghair ko kab ahl-e-Lucknow
Kab daad ka tha un se talabgar Mus'hafi
Na qadri jahan se kai baar aa ke tang
Ik umr sher se raha bezaar Mus'hafi
Darbar mein tha baar kahan is ghareeb ko
Barson misal-e-Meer phira khwaar Mus'hafi
Main ne bhi is gali mein guzari hai ro ke umr
Milta hai is gali mein kise pyaar Mus'hafi
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں