اس رعونت سے وہ جیتے ہیں کہ مرنا ہی نہیں — حبیب جالب
شاعر
اس رعونت سے وہ جیتے ہیں کہ مرنا ہی نہیں
اس رعونت سے وہ جیتے ہیں کہ مرنا ہی نہیں
تخت پر بیٹھے ہیں یوں جیسے اترنا ہی نہیں
یوں مہ و انجم کی وادی میں اڑے پھرتے ہیں وہ
خاک کے ذروں پہ جیسے پاؤں دھرنا ہی نہیں
ان کا دعویٰ ہے کہ سورج بھی انہی کا ہے غلام
شب جو ہم پر آئی ہے اس کو گزرنا ہی نہیں
کیا علاج اس کا اگر ہو مدعا ان کا یہی
اہتمام رنگ و بو گلشن میں کرنا ہی نہیں
ظلم سے ہیں برسر پیکار آزادی پسند
ان پہاڑوں میں جہاں پر کوئی جھرنا ہی نہیں
دل بھی ان کے ہیں سیہ خوراک زنداں کی طرح
ان سے اپنا غم بیاں اب ہم کو کرنا ہی نہیں
انتہا کر لیں ستم کی لوگ ابھی ہیں خواب میں
جاگ اٹھے جب لوگ تو ان کو ٹھہرنا ہی نہیں
Is ra'oonat se woh jeete hain ke marna hi nahin
Is ra'oonat se woh jeete hain ke marna hi nahin
Takht par baiThe hain yoo'n jaise utarna hi nahin
Yoo'n mah-o-anjum ki wadi mein uRe phirte hain woh
Khaak ke zarro'n pe jaise paaon dharna hi nahin
In ka da'wa hai ke sooraj bhi unhi ka hai ghulam
Shab jo hum par aayi hai us ko guzarna hi nahin
Kya ilaaj is ka agar ho muddaa in ka yehi
Ehtemam-e-rang-o-boo gulshan mein karna hi nahin
Zulm se hain bar sar-e-paikar aazadi pasand
In pahaRo'n mein jahan par koi jharna hi nahin
Dil bhi un ke hain siyah khurak-e-zindan ki tarah
In se apna gham bayan ab hum ko karna hi nahin
Inteha kar lein sitam ki log abhi hain khwab mein
Jaag uThe jab log to un ko theharna hi nahin
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں