اس شہر خرابی میں غم عشق کے مارے — حبیب جالب
شاعر
اس شہر خرابی میں غم عشق کے مارے
اس شہر خرابی میں غم عشق کے مارے
زندہ ہیں یہی بات بڑی بات ہے پیارے
یہ ہنستا ہوا چاند یہ پر نور ستارے
تابندہ و پایندہ ہیں ذروں کے سہارے
حسرت ہے کوئی غنچہ ہمیں پیار سے دیکھے
ارماں ہے کوئی پھول ہمیں دل سے پکارے
ہر صبح مری صبح پہ روتی رہی شبنم
ہر رات مری رات پہ ہنستے رہے تارے
کچھ اور بھی ہیں کام ہمیں اے غم جاناں
کب تک کوئی الجھی ہوئی زلفوں کو سنوارے
Is shehr-e-kharabi mein gham-e-ishq ke mare
Is shehr-e-kharabi mein gham-e-ishq ke mare
Zinda hain yehi baat baRi baat hai pyaare
Yeh hansta hua chand yeh pur-noor sitare
Tabinda-o-paainda hain zarron ke sahare
Hasrat hai koi ghuncha hamein pyaar se dekhe
Armaan hai koi phool hamein dil se pukare
Har subah meri subah pe roti rahi shabnam
Har raat meri raat pe hanste rahe tare
Kuch aur bhi hain kaam hamein ae gham-e-jaan-aan
Kab tak koi uljhi hui zulfon ko sanware
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں