جیون مجھ سے میں جیون سے شرماتا ہوں — حبیب جالب
شاعر
جیون مجھ سے میں جیون سے شرماتا ہوں
جیون مجھ سے میں جیون سے شرماتا ہوں
مجھ سے آگے جانے والو میں آتا ہوں
جن کی یادوں سے روشن ہیں میری آنکھیں
دل کہتا ہے ان کو بھی میں یاد آتا ہوں
سر سے سانسوں کا ناتا ہے توڑوں کیسے
تم جلتے ہو کیوں جیتا ہوں کیوں گاتا ہوں
تم اپنے دامن میں ستارے بیٹھ کر ٹانکو
اور میں نئے برن لفظوں کو پہناتا ہوں
جن خوابوں کو دیکھ کے میں نے جینا سیکھا
ان کے آگے ہر دولت کو ٹھکراتا ہوں
زہر اگلتے ہیں جب مل کر دنیا والے
میٹھے بولوں کی وادی میں کھو جاتا ہوں
جالبؔ میرے شعر سمجھ میں آ جاتے ہیں
اسی لیے کم رتبہ شاعر کہلاتا ہوں
Jeevan mujh se main jeevan se sharmata hoon
Jeevan mujh se main jeevan se sharmata hoon
Mujh se aage jaane walo main aata hoon
Jin ki yaado'n se roshan hain meri aankhein
Dil kehta hai un ko bhi main yaad aata hoon
Sar se saanso'n ka naata hai tooRon kaise
Tum jalte ho kyon jeeta hoon kyon gaata hoon
Tum apne daaman mein sitare baiTh kar Tanko
Aur main naye baran lafzo'n ko pehnata hoon
Jin khwabo'n ko dekh ke main ne jeena seekha
Un ke aage har daulat ko Thukrata hoon
Zehar ugalte hain jab mil kar duniya wale
MeeThe bolo'n ki wadi mein kho jaata hoon
Jalib mere sher samajh mein aa jaate hain
Isi liye kam rutba shaa'ir kehlata hoon
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں