جھوٹی خبریں گھڑنے والے جھوٹے شعر سنانے والے — حبیب جالب
شاعر
جھوٹی خبریں گھڑنے والے جھوٹے شعر سنانے والے
جھوٹی خبریں گھڑنے والے جھوٹے شعر سنانے والے
لوگو صبر کہ اپنے کئے کی جلد سزا ہیں پانے والے
درد آنکھوں سے بہتا ہے اور چہرہ سب کچھ کہتا ہے
یہ مت لکھو وہ مت لکھو آئے بڑے سمجھانے والے
خود کاٹیں گے اپنی مشکل خود پائیں گے اپنی منزل
راہزنوں سے بھی بد تر ہیں راہنما کہلانے والے
ان سے پیار کیا ہے ہم نے ان کی راہ میں ہم بیٹھے ہیں
نا ممکن ہے جن کا ملنا اور نہیں جو آنے والے
ان پر بھی ہنستی تھی دنیا آوازیں کستی تھی دنیا
جالبؔ اپنی ہی صورت تھے عشق میں جاں سے جانے والے
Jhooti khabrein ghaRne wale jhoote sher sunane wale
Jhooti khabrein ghaRne wale jhoote sher sunane wale
Logo sabr ke apne kiye ki jald saza hi hain paane wale
Dard aankhon se behta hai aur chehra sab kuch kehta hai
Yeh mat likkho woh mat likkho aaye baRe samjhane wale
Khud kaateinge apni mushkil khud paayenge apni manzil
Rahzano'n se bhi bad tar hain rahnuma kehlaane wale
Un se pyaar kiya hai hum ne un ki raah mein hum baiThe hain
Na-mumkin hai jin ka milna aur nahin jo aane wale
Un par bhi hansti thi duniya awaazein kassti thi duniya
Jalib apni hi soorat the ishq mein jaan se jaane wale
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں