کبھی تو مہرباں ہو کر بلا لیں — حبیب جالب
شاعر
کبھی تو مہرباں ہو کر بلا لیں
کبھی تو مہرباں ہو کر بلا لیں
یہ مہوش ہم فقیروں کی دعا لیں
نہ جانے پھر یہ رت آئے نہ آئے
جواں پھولوں کی کچھ خوشبو چرا لیں
بہت روئے زمانے کے لیے ہم
ذرا اپنے لیے آنسو بہا لیں
ہم ان کو بھولنے والے نہیں ہیں
سمجھتے ہیں غم دوراں کی چالیں
ہماری بھی سنبھل جائے گی حالت
وہ پہلے اپنی زلفیں تو سنبھالیں
نکلنے کو ہے وہ مہتاب گھر سے
ستاروں سے کہو نظریں جھکا لیں
ہم اپنے راستے پر چل رہے ہیں
جناب شیخ اپنا راستہ لیں
زمانہ تو یوں ہی روٹھا رہے گا
چلو جالبؔ انہیں چل کر منا لیں
Kabhi to mehrbaan ho kar bula lein
Kabhi to mehrbaan ho kar bula lein
Yeh mahwash hum faqiro'n ki dua lein
Na jaane phir yeh rut aaye na aaye
Jawan phoolon ki kuch khushboo chura lein
Bahut roye zamane ke liye hum
Zara apne liye aansoo baha lein
Hum un ko bhoolne wale nahin hain
Samajhte hain gham-e-dauraan ki chaalein
Hamari bhi sanbhal jaayegi halat
Woh pehle apni zulfen to sanbhalein
Nikalne ko hai woh mahtab ghar se
Sitaron se kaho nazrein jhuka lein
Hum apne raste par chal rahe hain
Janab-e-Shaikh apna rasta lein
Zamana to yun hi rootha rahega
Chalo Jalib unhein chal kar mana lein
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں