کہیں آہ بن کے لب پر ترا نام آ نہ جائے — حبیب جالب
شاعر
کہیں آہ بن کے لب پر ترا نام آ نہ جائے
کہیں آہ بن کے لب پر ترا نام آ نہ جائے
تجھے بے وفا کہوں میں وہ مقام آ نہ جائے
ذرا زلف کو سنبھالو مرا دل دھڑک رہا ہے
کوئی اور طائر دل تہہ دام آ نہ جائے
جسے سن کے ٹوٹ جائے مرا آرزو بھرا دل
تری انجمن سے مجھ کو وہ پیام آ نہ جائے
وہ جو منزلوں پہ لا کر کسی ہم سفر کو لوٹیں
انہیں رہزنوں میں تیرا کہیں نام آ نہ جائے
اسی فکر میں ہیں غلطاں یہ نظام زر کے بندے
جو تمام زندگی ہے وہ نظام آ نہ جائے
یہ مہ و نجوم ہنس لیں مرے آنسوؤں پہ جالبؔ
مرا ماہتاب جب تک لب بام آ نہ جائے
Kahin aah ban ke lab par tera naam aa na jaaye
Kahin aah ban ke lab par tera naam aa na jaaye
Tujhe be-wafa kahoon main woh muqam aa na jaaye
Zara zulf ko sanbhalo mera dil dhaRak raha hai
Koi aur taair-e-dil teh-e-daam aa na jaaye
Jise sun ke toot jaaye mera aarzoo bhara dil
Teri anjuman se mujh ko woh payam aa na jaaye
Woh jo manzilon pe la kar kisi humsafar ko lootein
Unhein rahzano'n mein tera kahin naam aa na jaaye
Isi fikr mein hain ghaltan yeh nizam-e-zar ke bande
Jo tamam zindagi hai woh nizam aa na jaaye
Yeh mah-o-najoom hans lein mere aansuon pe Jalib
Mera mahtab jab tak lab-e-baam aa na jaaye
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں