کم پرانا بہت نیا تھا فراق — حبیب جالب
شاعر
کم پرانا بہت نیا تھا فراق
کم پرانا بہت نیا تھا فراق
اک عجب رمز آشنا تھا فراق
دور وہ کب ہوا نگاہوں سے
دھڑکنوں میں بسا ہوا ہے فراق
شام غم کے سلگتے صحرا میں
اک امنڈتی ہوئی گھٹا تھا فراق
امن تھا پیار تھا محبت تھا
رنگ تھا نور تھا نوا تھا فراق
فاصلے نفرتوں کے مٹ جائیں
پیار ہی پیار سوچتا تھا فراق
ہم سے رنج و الم کے ماروں کو
کس محبت سے دیکھتا تھا فراق
عشق انسانیت سے تھا اس کو
ہر تعصب سے ماورا تھا فراق
Kam purana bahut naya tha Firaaq
Kam purana bahut naya tha Firaaq
Ik ajab ramz-aashna tha Firaaq
Door woh kab hua nigahon se
DhaRkano'n mein basa hua hai Firaaq
Sham-e-gham ke sulagte sehra mein
Ik umandti hui ghaTa tha Firaaq
Amn tha pyaar tha muhabbat tha
Rang tha noor tha nawa tha Firaaq
Fasle nafrato'n ke miT jaayen
Pyaar hi pyaar sochta tha Firaaq
Hum se ranj-o-alam ke maaron ko
Kis muhabbat se dekhta tha Firaaq
Ishq insaniyat se tha us ko
Har ta'assub se mawara tha Firaaq
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں