لوگ گیتوں کا نگر یاد آیا — حبیب جالب
شاعر
لوگ گیتوں کا نگر یاد آیا
لوگ گیتوں کا نگر یاد آیا
آج پردیس میں گھر یاد آیا
جب چلے آئے چمن زار سے ہم
التفات گل تر یاد آیا
تیری بیگانہ نگاہی سر شام
یہ ستم تا بہ سحر یاد آیا
ہم زمانے کا ستم بھول گئے
جب ترا لطف نظر یاد آیا
تو بھی مسرور تھا اس شب سر بزم
اپنے شعروں کا اثر یاد آیا
پھر ہوا درد تمنا بیدار
پھر دل خاک بسر یاد آیا
ہم جسے بھول چکے تھے جالبؔ
پھر وہی راہ گزر یاد آیا
Log geeto'n ka nagar yaad aaya
Log geeto'n ka nagar yaad aaya
Aaj pardes mein ghar yaad aaya
Jab chale aaye chamanzaar se hum
Iltifaat-e-gul-e-tar yaad aaya
Teri begaana nigahi sar-e-sham
Yeh sitam ta ba sahar yaad aaya
Hum zamane ka sitam bhool gaye
Jab tera lutf-e-nazar yaad aaya
Tu bhi masroor tha us shab sar-e-bazm
Apne shero'n ka asar yaad aaya
Phir hua dard-e-tamanna bedaar
Phir dil-e-khak-basar yaad aaya
Hum jise bhool chuke the Jalib
Phir wohi raahguzar yaad aaya
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں