میرؔ و غالبؔ بنے یگانہؔ بنے — حبیب جالب
شاعر
میرؔ و غالبؔ بنے یگانہؔ بنے
میرؔ و غالبؔ بنے یگانہؔ بنے
آدمی اے خدا خدا نہ بنے
موت کی دسترس میں کب سے ہیں
زندگی کا کوئی بہانہ بنے
اپنا شاید یہی تھا جرم اے دوست
با وفا بن کے بے وفا نہ بنے
ہم پہ اک اعتراض یہ بھی ہے
بے نوا ہو کے بے نوا نہ بنے
یہ بھی اپنا قصور کیا کم ہے
کسی قاتل کے ہم نوا نہ بنے
کیا گلہ سنگ دل زمانے کا
آشنا ہی جب آشنا نہ بنے
چھوڑ کر اس گلی کو اے جالبؔ
اک حقیقت سے ہم فسانہ بنے
Meer o Ghalib bane Yagana bane
Meer o Ghalib bane Yagana bane
Aadmi ae Khuda Khuda na bane
Maut ki dastaras mein kab se hain
Zindagi ka koi bahana bane
Apna shayad yehi tha jurm ae dost
Ba-wafa ban ke be-wafa na bane
Hum pe ik aetiraz yeh bhi hai
Be-nawa ho ke be-nawa na bane
Yeh bhi apna qasoor kya kam hai
Kisi qatil ke hamnawa na bane
Kya gila sang-dil zamane ka
Aashna hi jab aashna na bane
ChhoR kar is gali ko ae Jalib
Ik haqeeqat se hum fasana bane
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں