نہ ڈگمگائے کبھی ہم وفا کے رستے میں — حبیب جالب
شاعر
نہ ڈگمگائے کبھی ہم وفا کے رستے میں
نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں
کسے لگائے گلے اور کہاں کہاں ٹھہرے
ہزار غنچہ و گل ہیں صبا کے رستے میں
خدا کا نام کوئی لے تو چونک اٹھتے ہیں
ملے ہیں ہم کو وہ رہبر خدا کے رستے میں
کہیں سلاسل تسبیح اور کہیں زنار
بچھے ہیں دام بہت مدعا کے رستے میں
ابھی وہ منزل فکر و نظر نہیں آئی
ہے آدمی ابھی جرم و سزا کے رستے میں
ہیں آج بھی وہی دار و رسن وہی زنداں
ہر اک نگاہ رموز آشنا کے رستے میں
یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستے میں
مٹا سکے نہ کوئی سیل انقلاب جنہیں
وہ نقش چھوڑے ہیں ہم نے وفا کے رستے میں
زمانہ ایک سا جالبؔ سدا نہیں رہتا
چلیں گے ہم بھی کبھی سر اٹھا کے رستے میں
Na Dagmagaye kabhi hum wafa ke raste mein
Na Dagmagaye kabhi hum wafa ke raste mein
Charagh hum ne jalaye hawa ke raste mein
Kise lagaye gale aur kahan kahan thehre
Hazar ghuncha-o-gul hain saba ke raste mein
Khuda ka naam koi le to chaunk uThte hain
Mile hain hum ko woh rahbar Khuda ke raste mein
Kahin salasil-e-tasbeeh aur kahin zunnar
Bichhe hain daam bahut muddaa ke raste mein
Abhi woh manzil-e-fikr-o-nazar nahin aayi
Hai aadmi abhi jurm-o-saza ke raste mein
Hain aaj bhi wohi daar-o-rasan wohi zindan
Har ik nigah ramooz-aashna ke raste mein
Yeh nafraton ki faseelein jahalat'on ke hisaar
Na reh sakeinge hamari sada ke raste mein
MiTa sake na koi sail-e-inqilab jinhein
Woh naqsh chhoRe hain hum ne wafa ke raste mein
Zamana ek sa Jalib sada nahin rehta
Chaleinge hum bhi kabhi sar uTha ke raste mein
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں