پھر کبھی لوٹ کر نہ آئیں گے — حبیب جالب
شاعر
پھر کبھی لوٹ کر نہ آئیں گے
پھر کبھی لوٹ کر نہ آئیں گے
ہم ترا شہر چھوڑ جائیں گے
دور افتادہ بستیوں میں کہیں
تیری یادوں سے لو لگائیں گے
شمع ماہ و نجوم گل کر کے
آنسوؤں کے دیئے جلائیں گے
آخری بار اک غزل سن لو
آخری بار ہم سنائیں گے
صورت موجۂ ہوا جالبؔ
ساری دنیا کی خاک اڑائیں گے
Phir kabhi lauT kar na aayeinge
Phir kabhi lauT kar na aayeinge
Hum tera shehr chhoR jaayenge
Door uftada bastiyon mein kahin
Teri yaado'n se lau lagaayenge
Shama-e-mah-o-najoom gul kar ke
Aansuon ke diye jalaayenge
Aakhri baar ik ghazal sun lo
Aakhri baar hum sunaayenge
Soorat-e-mauj-e-hawa Jalib
Saari duniya ki khaak uRaayenge
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں