ترے ماتھے پہ جب تک بل رہا ہے — حبیب جالب
شاعر
ترے ماتھے پہ جب تک بل رہا ہے
ترے ماتھے پہ جب تک بل رہا ہے
اجالا آنکھ سے اوجھل رہا ہے
سماتے کیا نظر میں چاند تارے
تصور میں ترا آنچل رہا ہے
تری شان تغافل کو خبر کیا
کوئی تیرے لیے بے کل رہا ہے
شکایت ہے غم دوراں کو مجھ سے
کہ دل میں کیوں ترا غم پل رہا ہے
تعجب ہے ستم کی آندھیوں میں
چراغ دل ابھی تک جل رہا ہے
لہو روئیں گی مغرب کی فضائیں
بڑی تیزی سے سورج ڈھل رہا ہے
زمانہ تھک گیا جالبؔ ہی تنہا
وفا کے راستے پر چل رہا ہے
Tere maathe pe jab tak bal raha hai
Tere maathe pe jab tak bal raha hai
Ujala aankh se ojhal raha hai
Samaate kya nazar mein chand tare
Tasawwur mein tera aanchal raha hai
Teri shan-e-taghaful ko khabar kya
Koi tere liye be-kal raha hai
Shikayat hai gham-e-dauraan ko mujh se
Ke dil mein kyon tera gham pal raha hai
Ta'ajjub hai sitam ki aandhiyon mein
Charagh-e-dil abhi tak jal raha hai
Lahoo roeingi maghrib ki fazayein
BaRi tezi se sooraj Dhal raha hai
Zamana thak gaya Jalib hi tanha
Wafa ke raste par chal raha hai
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں