تم سے پہلے وہ جو اک شخص یہاں تخت نشیں تھا — حبیب جالب
شاعر
تم سے پہلے وہ جو اک شخص یہاں تخت نشیں تھا
تم سے پہلے وہ جو اک شخص یہاں تخت نشیں تھا
اس کو بھی اپنے خدا ہونے پہ اتنا ہی یقیں تھا
کوئی ٹھہرا ہو جو لوگوں کے مقابل تو بتاؤ
وہ کہاں ہیں کہ جنہیں ناز بہت اپنے تئیں تھا
آج سوئے ہیں تہ خاک نہ جانے یہاں کتنے
کوئی شعلہ کوئی شبنم کوئی مہتاب جبیں تھا
اب وہ پھرتے ہیں اسی شہر میں تنہا لیے دل کو
اک زمانے میں مزاج ان کا سر عرش بریں تھا
چھوڑنا گھر کا ہمیں یاد ہے جالبؔ نہیں بھولے
تھا وطن ذہن میں اپنے کوئی زنداں تو نہیں تھا
Tum se pehle woh jo ik shakhs yahan takht nasheen tha
Tum se pehle woh jo ik shakhs yahan takht nasheen tha
Us ko bhi apne Khuda hone pe itna hi yaqeen tha
Koi thehra ho jo logon ke muqabil to batao
Woh kahan hain ke jinhein naaz bahut apne taeen tha
Aaj soye hain teh-e-khaak na jaane yahan kitne
Koi shola koi shabnam koi mahtab-jabeen tha
Ab woh phirte hain isi shehr mein tanha liye dil ko
Ik zamane mein mizaj un ka sar-e-arsh-e-bareen tha
ChhoRna ghar ka hamein yaad hai Jalib nahin bhoole
Tha watan zehn mein apne koi zindan to nahin tha
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں