اس نے جب ہنس کے نمسکار کیا — حبیب جالب
شاعر
اس نے جب ہنس کے نمسکار کیا
اس نے جب ہنس کے نمسکار کیا
مجھ کو انسان سے اوتار کیا
دشت غربت میں دل ویراں نے
یاد جمنا کو کئی بار کیا
پیار کی بات نہ پوچھو یارو
ہم نے کس کس سے نہیں پیار کیا
کتنی خوابیدہ تمناؤں کو
اس کی آواز نے بیدار کیا
ہم پجاری ہیں بتوں کے جالبؔ
ہم نے کعبے میں بھی اقرار کیا
Us ne jab hans ke namaskar kiya
Us ne jab hans ke namaskar kiya
Mujh ko insaan se avtaar kiya
Dasht-e-ghurbat mein dil-e-veeran ne
Yaad-e-Jamna ko kai baar kiya
Pyaar ki baat na poocho yaaro
Hum ne kis kis se nahin pyaar kiya
Kitni khwabida tamannaon ko
Us ki awaaz ne bedaar kiya
Hum pujaari hain buton ke Jalib
Hum ne Kaabe mein bhi iqrar kiya
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں