یہ اور بات تیری گلی میں نہ آئیں ہم — حبیب جالب
شاعر
یہ اور بات تیری گلی میں نہ آئیں ہم
یہ اور بات تیری گلی میں نہ آئیں ہم
لیکن یہ کیا کہ شہر ترا چھوڑ جائیں ہم
مدت ہوئی ہے کوئے بتاں کی طرف گئے
آوارگی سے دل کو کہاں تک بچائیں ہم
شاید بہ قید زیست یہ ساعت نہ آ سکے
تم داستان شوق سنو اور سنائیں ہم
بے نور ہو چکی ہے بہت شہر کی فضا
تاریک راستوں میں کہیں کھو نہ جائیں ہم
اس کے بغیر آج بہت جی اداس ہے
جالبؔ چلو کہیں سے اسے ڈھونڈ لائیں ہم
Yeh aur baat teri gali mein na aayen hum
Yeh aur baat teri gali mein na aayen hum
Lekin yeh kya ke shehr tera chhoR jaayen hum
Muddat hui hai koo-e-butan ki taraf gaye
Awaragi se dil ko kahan tak bachayen hum
Shayad ba-qaid-e-zeest yeh sa'at na aa sake
Tum dastan-e-shauq suno aur sunayen hum
Be-noor ho chuki hai bahut shehr ki fiza
Tareek raston mein kahin kho na jaayen hum
Us ke baghair aaj bahut jee udaas hai
Jalib chalo kahin se use DhoonDh laayen hum
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے...
مکمل تعارف پڑھیں