اک بار پھر وطن میں گیا جا کے آ گیا — حفیظ جالندھری
شاعر
اک بار پھر وطن میں گیا جا کے آ گیا
اک بار پھر وطن میں گیا جا کے آ گیا
لخت جگر کو خاک میں دفنا کے آ گیا
ہر ہم سفر پہ خضر کا دھوکا ہوا مجھے
آب بقا کی راہ سے کترا کے آ گیا
حور لحد نے چھین لیا تجھ کو اور میں
اپنا سا منہ لیے ہوئے شرما کے آ گیا
دل لے گیا مجھے تری تربت پہ بار بار
آواز دے کے بیٹھ کے اکتا کے آ گیا
رویا کہ تھا جہیز ترا واجب الادا
مینہ موتیوں کا قبر پہ برسا کے آ گیا
میری بساط کیا تھی حضور رضائے دوست
تنکا سا ایک سامنے دریا کے آ گیا
اب کے بھی راس آئی نہ حب وطن حفیظؔ
اب کے بھی ایک تیر قضا کھا کے آ گیا
حفیظ جالندھری
Ik bār phir vatan meñ gayā jā ke ā gayā
Ik bār phir vatan meñ gayā jā ke ā gayā
Laḳht-e-jigar ko ḳhāk meñ dafnā ke ā gayā
Har ham-safar pe Khizr kā dhokā huā mujhe
Āb-e-baqā kī rāh se katrā ke ā gayā
Hūr-e-lahad ne chhīn liyā tujh ko aur maiñ
Apnā sā munh liye hue sharmā ke ā gayā
Dil le gayā mujhe tirī turbat pe bār-bār
Āvāz de ke baiṭh ke uktā ke ā gayā
Royā ki thā jahez tirā vājib-ul-adā
Mīñh motiyoñ kā qabr pe barsā ke ā gayā
Merī bisāṭ kyā thī huzūr-e-razā-e-dost
Tinkā sā ek sāmne dariyā ke ā gayā
Ab ke bhī rās aa.ī na hubb-e-vatan Hafīzؔ
Ab ke bhī ek tīr-e-qazā khā ke ā gayā
شاعر کے بارے میں
ابو الاثر حفیظ جالندھری (اصل نام: محمد عبدالحفیظ) اردو ادب کے اُن قد آور شاعروں میں شمار ہوتے ہیں جن کی شناخت صرف ادبی نہیں بلکہ قومی اور تاریخی سطح پر بھی قائم ہے۔ وہ 14 جنوری 1900ء کو جالندھر، پنجاب (برطانوی ہند) میں پیدا ہوئے۔ رسمی تعلیم زیادہ نہ ہو سکی اور وہ صرف ساتویں جماعت تک پڑھ سکے، مگر ان کی اصل تربیت خود مطالعے، فارسی و اردو کلاسیکی ا...
مکمل تعارف پڑھیں