رنگ بدلا یار نے وہ پیار کی باتیں گئیں — حفیظ جالندھری
شاعر
رنگ بدلا یار نے وہ پیار کی باتیں گئیں
رنگ بدلا یار نے وہ پیار کی باتیں گئیں
وہ ملاقاتیں گئیں وہ چاندنی راتیں گئیں
پی تو لیتا ہوں مگر پینے کی وہ باتیں گئیں
وہ جوانی وہ سیہ مستی وہ برساتیں گئیں
اللہ اللہ کہہ کے بس اک آہ کرنا رہ گیا
وہ نمازیں وہ دعائیں وہ مناجاتیں گئیں
حضرت دل اب نئی الفت سمجھ کر سوچ کر
اگلی باتوں پر نہ بھولیں آپ وہ باتیں گئیں
راہ و رسم دوستی قائم تو ہے لیکن حفیظؔ
ابتدائے شوق کی لمبی ملاقاتیں گئیں
Rang badla yaar ne woh pyar ki baten gayin
Rang badla yaar ne woh pyar ki baten gayin
Woh mulaqatain gayin woh chandni raten gayin
Pee to leta hoon magar peene ki woh baten gayin
Woh jawani woh siyah-masti woh barsatain gayin
Allah Allah keh ke bas ek aah karna reh gaya
Woh namazain woh duayen woh munajatain gayin
Hazrat-e-Dil ab nayi ulfat samajh kar soch kar
Agli baton par na bhoolen aap woh baten gayin
Rah-o-rasm-e-dosti qaayam to hai lekin Hafeez
Ibtada-e-shauq ki lambi mulaqatain gayin
شاعر کے بارے میں
ابو الاثر حفیظ جالندھری (اصل نام: محمد عبدالحفیظ) اردو ادب کے اُن قد آور شاعروں میں شمار ہوتے ہیں جن کی شناخت صرف ادبی نہیں بلکہ قومی اور تاریخی سط...
مکمل تعارف پڑھیں