اپنا خاکہ لگتا ہوں — جون ایلیا
شاعر
اپنا خاکہ لگتا ہوں
اپنا خاکہ لگتا ہوں
ایک تماشا لگتا ہوں
آئینوں کو زنگ لگا
اب میں کیسا لگتا ہوں
اب میں کوئی شخص نہیں
اس کا سایا لگتا ہوں
سارے رشتے تشنہ ہیں
کیا میں دریا لگتا ہوں
اس سے گلے مل کر خود کو
تنہا تنہا لگتا ہوں
خود کو میں سب آنکھوں میں
دھندلا دھندلا لگتا ہوں
میں ہر لمحہ اس گھر سے
جانے والا لگتا ہوں
کیا ہوئے وہ سب لوگ کہ میں
سونا سونا لگتا ہوں
مصلحت اس میں کیا ہے میری
ٹوٹا پھوٹا لگتا ہوں
کیا تم کو اس حال میں بھی
میں دنیا کا لگتا ہوں
کب کا روگی ہوں ویسے
شہر مسیحا لگتا ہوں
میرا تالو تر کر دو
سچ مچ پیاسا لگتا ہوں
مجھ سے کما لو کچھ پیسے
زندہ مردہ لگتا ہوں
میں نے سہے ہیں مکر اپنے
اب بیچارہ لگتا ہوں
Apna khaaka lagta hoon
Apna khaaka lagta hoon
Ek tamasha lagta hoon
Aayinoon ko zang laga
Ab main kaisa lagta hoon
Ab main koi shakhs nahin
Us ka saaya lagta hoon
Saare rishte tishna hain
Kya main darya lagta hoon
Us se gale mil kar khud ko
Tanha tanha lagta hoon
Khud ko main sab aankhon mein
Dhundla dhundla lagta hoon
Main har lamha us ghar se
Jaane wala lagta hoon
Kya hue woh sab log ke main
Soona soona lagta hoon
Maslehat is mein kya hai meri
Toota phoota lagta hoon
Kya tum ko is haal mein bhi
Main duniya ka lagta hoon
Kab ka rogi hoon waise
Shahr-e-maseeha lagta hoon
Mera taalu tar kar do
Sach much pyasa lagta hoon
Mujh se kama lo kuch paise
Zinda murda lagta hoon
Main ne sahe hain makr apne
Ab bechara lagta hoon
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں