زندگی کیا ہے اک کہانی ہے — جون ایلیا
شاعر
زندگی کیا ہے اک کہانی ہے
زندگی کیا ہے اک کہانی ہے
یہ کہانی نہیں سنانی ہے
ہے خدا بھی عجیب یعنی جو
نہ زمینی نہ آسمانی ہے
ہے مرے شوق وصل کو یہ گلہ
اس کا پہلو سرائے فانی ہے
اپنی تعمیر جان و دل کے لیے
اپنی بنیاد ہم کو ڈھانی ہے
یہ ہے لمحوں کا ایک شہر ازل
یاں کی ہر بات ناگہانی ہے
چلیے اے جان شام آج تمہیں
شمع اک قبر پر جلانی ہے
رنگ کی اپنی بات ہے ورنہ
آخرش خون بھی تو پانی ہے
اک عبث کا وجود ہے جس سے
زندگی کو مراد پانی ہے
شام ہے اور صحن میں دل کے
اک عجب حزن آسمانی ہے
Zindagi kya hai ik kahani hai
Zindagi kya hai ik kahani hai
Yeh kahani nahin sunani hai
Hai Khuda bhi ajib yaani jo
Na zameeni na asmani hai
Hai mere shauq-e-wasl ko yeh gila
Uss ka pehlu sarai-e-faani hai
Apni ta'meer-e-jaan-o-dil ke liye
Apni buniyad hum ko dhani hai
Yeh hai lamhon ka ek shahr-e-azal
Yan ki har baat nagahani hai
Chaliye aye jaan-e-sham aaj tumhein
Shama ek qabr par jalani hai
Rang ki apni baat hai warna
Aakhirash khoon bhi to pani hai
Ek abas ka wajood hai jis se
Zindagi ko muraad paani hai
Sham hai aur sehn mein dil ke
Ek ajab huzn asmani hai
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں