اے صبح میں اب کہاں رہا ہوں — جون ایلیا
شاعر
اے صبح میں اب کہاں رہا ہوں
اے صبح میں اب کہاں رہا ہوں
خوابوں ہی میں صرف ہو چکا ہوں
سب میرے بغیر مطمئن ہوں
میں سب کے بغیر جی رہا ہوں
کیا ہے جو بدل گئی ہے دنیا
میں بھی تو بہت بدل گیا ہوں
گو اپنے ہزار نام رکھ لوں
پر اپنے سوا میں اور کیا ہوں
میں جرم کا اعتراف کر کے
کچھ اور ہے جو چھپا گیا ہوں
میں اور فقط اسی کی خواہش
اخلاق میں جھوٹ بولتا ہوں
اک شخص جو مجھ سے وقت لے کر
آج آ نہ سکا تو خوش ہوا ہوں
ہر شخص سے بے نیاز ہو جا
پھر سب سے یہ کہہ کہ میں خدا ہوں
چرکے تو تجھے دیے ہیں میں نے
پر خون بھی میں ہی تھوکتا ہوں
رویا ہوں تو اپنے دوستوں میں
پر تجھ سے تو ہنس کے ہی ملا ہوں
اے شخص میں تیری جستجو سے
بیزار نہیں ہوں تھک گیا ہوں
میں شمع سحر کا نغمہ گر تھا
اب تھک کے کراہنے لگا ہوں
کل پر ہی رکھو وفا کی باتیں
میں آج بہت بوجھا ہوا ہوں
کوئی بھی نہیں ہے مجھ سے نادم
بس طے یہ ہوا کہ میں برا ہوں
Aye subah main ab kahan raha hoon
Aye subah main ab kahan raha hoon
Khwabon hi mein sirf ho chuka hoon
Sab mere baghair mutma'in hon
Main sab ke baghair jee raha hoon
Kya hai jo badal gai hai duniya
Main bhi to bahut badal gaya hoon
Go apne hazar naam rakh loon
Par apne siwa main aur kya hoon
Main jurm ka e'tiraaf kar ke
Kuch aur hai jo chhupa gaya hoon
Main aur faqat usi ki khwahish
Akhlaaq mein jhoot bolta hoon
Ek shakhs jo mujh se waqt le kar
Aaj aa na saka to khush hua hoon
Har shakhs se be-niyaaz ho ja
Phir sab se ye keh ke main Khuda hoon
Churke to tujhe diye hain main ne
Par khoon bhi main hi thookta hoon
Roya hoon to apne doston mein
Par tujh se to hans ke hi mila hoon
Aye shakhs main teri justuju se
Bezaar nahin hoon thak gaya hoon
Main shama-e-sahar ka naghma-gar tha
Ab thak ke karahne laga hoon
Kal par hi rakho wafa ki baatein
Main aaj bahut bujha hua hoon
Koi bhi nahin hai mujh se naadim
Bas tai ye hua ke main bura hoon
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں