بہت دل کو کشادہ کر لیا کیا — جون ایلیا
شاعر
بہت دل کو کشادہ کر لیا کیا
بہت دل کو کشادہ کر لیا کیا
زمانے بھر سے وعدہ کر لیا کیا
تو کیا سچ مچ جدائی مجھ سے کر لی
تو خود اپنے کو آدھا کر لیا کیا
ہنر مندی سے اپنی دل کا صفحہ
مری جاں تم نے سادہ کر لیا کیا
جو یکسر جان ہے اس کے بدن سے
کہو کچھ استفادہ کر لیا کیا
بہت کترا رہے ہو مغبچوں سے
گناہ ترک بادہ کر لیا کیا
یہاں کے لوگ کب کے جا چکے ہیں
سفر جادہ بہ جادہ کر لیا کیا
اٹھایا اک قدم تو نے نہ اس تک
بہت اپنے کو ماندہ کر لیا کیا
تم اپنی کج کلاہی ہار بیٹھیں
بدن کو بے لبادہ کر لیا کیا
بہت نزدیک آتی جا رہی ہو
بچھڑنے کا ارادہ کر لیا کیا
Bahut dil ko kushada kar liya kya
Bahut dil ko kushada kar liya kya
Zamane bhar se waada kar liya kya
To kya sach much judai mujh se kar li
To khud apne ko aadha kar liya kya
Hunarmandi se apni dil ka safha
Meri jaan tum ne saada kar liya kya
Jo yak-sar jaan hai us ke badan se
Kaho kuch istefada kar liya kya
Bahut katra rahe ho mughbachon se
Gunah-e-tark-e-baada kar liya kya
Yahan ke log kab ke ja chuke hain
Safar jaada ba jaada kar liya kya
Uthaya ek qadam tu ne na us tak
Bahut apne ko maanda kar liya kya
Tum apni kaj-kulahi haar baithein
Badan ko be-libada kar liya kya
Bahut nazdeek aati ja rahi ho
Bichhadne ka irada kar liya kya
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں