چلو باد بہاری جا رہی ہے — جون ایلیا
شاعر
چلو باد بہاری جا رہی ہے
چلو باد بہاری جا رہی ہے
پیا جی کی سواری جا رہی ہے
شمال جاودان سبز جاں سے
تمنا کی عماری جا رہی ہے
فغاں اے دشمن دار دل و جاں
مری حالت سدھاری جا رہی ہے
ہے پہلو میں ٹکے کی اک حسینہ
تری فرقت گزاری جا رہی ہے
جو ان روزوں مرا غم ہے وہ یہ ہے
کہ غم سے بردباری جا رہی ہے
ہے سینے میں عجب اک حشر برپا
کہ دل سے بے قراری جا رہی ہے
میں پیہم ہار کر یہ سوچتا ہوں
وہ کیا شے ہے جو ہاری جا رہی ہے
دل اس کے رو بہ رو ہے اور گم صم
کوئی عرضی گزاری جا رہی ہے
وہ سید بچہ ہو اور شیخ کے ساتھ
میاں عزت ہماری جا رہی ہے
ہے برپا ہر گلی میں شور نغمہ
مری فریاد ماری جا رہی ہے
وہ یاد اب ہو رہی ہے دل سے رخصت
میاں پیاروں کی پیاری جا رہی ہے
دریغا تیری نزدیکی میاں جان
تری دوری پہ واری جا رہی ہے
بہت بد حال ہیں بستی ترے لوگ
تو پھر تو کیوں سنواری جا رہی ہے
تری مرہم نگاہی اے مسیحا
خراش دل پہ واری جا رہی ہے
خرابے میں عجب تھا شور برپا
دلوں سے انتظاری جا رہی ہے
Chalo baad-e-bahari ja rahi hai
Chalo baad-e-bahari ja rahi hai
Piya ji ki sawari ja rahi hai
Shamāl-e-jāvedāñ sabz jaañ se
Tamannā ki amari ja rahi hai
Fughāñ ae dushman-dār dil-o-jaan
Meri hālat sudhāri ja rahi hai
Hai pehlū mein Tikke ki ik haseena
Teri furqat guzāri ja rahi hai
Jo in rozon mera gham hai woh yeh hai
Ke gham se bordbāri ja rahi hai
Hai seene mein ajab ik hashr barpa
Ke dil se be-qarāri ja rahi hai
Main paiham haar kar yeh sochta hoon
Woh kya shai hai jo haari ja rahi hai
Dil us ke rū-ba-rū hai aur gum-sum
Koi arzi guzāri ja rahi hai
Woh Sayyad bachcha ho aur shaikh ke saath
Miyaan izzat hamari ja rahi hai
Hai barpa har gali mein shor-e-naghma
Meri fariyād maari ja rahi hai
Woh yaad ab ho rahi hai dil se rukhsat
Miyaan pyaaron ki pyari ja rahi hai
Dareegha teri nazdīkī miyaan jaan
Teri doorī pe wārī ja rahi hai
Bahut bad-haal hain basti tere log
To phir tu kyūn sanwārī ja rahi hai
Teri marham-nigāhī ae Maseeha
Kharāsh-e-dil pe wārī ja rahi hai
Kharābe mein ajab tha shor barpa
Dilon se intezāri ja rahi hai
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں