اک ہنر ہے جو کر گیا ہوں میں — جون ایلیا
شاعر
اک ہنر ہے جو کر گیا ہوں میں
اک ہنر ہے جو کر گیا ہوں میں
سب کے دل سے اتر گیا ہوں میں
کیسے اپنی ہنسی کو ضبط کروں
سن رہا ہوں کہ گھر گیا ہوں میں
کیا بتاؤں کہ مر نہیں پاتا
جیتے جی جب سے مر گیا ہوں میں
اب ہے بس اپنا سامنا در پیش
ہر کسی سے گزر گیا ہوں میں
وہی ناز و ادا وہی غمزے
سر بہ سر آپ پر گیا ہوں میں
عجب الزام ہوں زمانے کا
کہ یہاں سب کے سر گیا ہوں میں
کبھی خود تک پہنچ نہیں پایا
جب کہ واں عمر بھر گیا ہوں میں
تم سے جاناں ملا ہوں جس دن سے
بے طرح خود سے ڈر گیا ہوں میں
کوئے جاناں میں سوگ برپا ہے
کہ اچانک سدھر گیا ہوں میں
Ik hunar hai jo kar gaya hoon main
Ik hunar hai jo kar gaya hoon main
Sab ke dil se utar gaya hoon main
Kaise apni hansi ko zabt karoon
Sun raha hoon ke ghar gaya hoon main
Kya bataūn ke mar nahin paata
Jeete ji jab se mar gaya hoon main
Ab hai bas apna samna dar pesh
Har kisi se guzar gaya hoon main
Wohi nāz o adā wohi ghamze
Sar ba sar aap par gaya hoon main
Ajab ilzām hoon zamāne ka
Ke yahaan sab ke sar gaya hoon main
Kabhi khud tak pahunch nahin paaya
Jab ke waan umar bhar gaya hoon main
Tum se jaanañ mila hoon jis din se
Be-tarah khud se dar gaya hoon main
Kū-e-jaanañ mein sog barpa hai
Ke achānak sudhar gaya hoon main
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں