جی ہی جی میں وہ جل رہی ہوگی — جون ایلیا
شاعر
جی ہی جی میں وہ جل رہی ہوگی
جی ہی جی میں وہ جل رہی ہوگی
چاندنی میں ٹہل رہی ہوگی
چاند نے تان لی ہے چادر ابر
اب وہ کپڑے بدل رہی ہوگی
سو گئی ہوگی وہ شفق اندام
سبز قندیل جل رہی ہوگی
سرخ اور سبز وادیوں کی طرف
وہ مرے ساتھ چل رہی ہوگی
چڑھتے چڑھتے کسی پہاڑی پر
اب وہ کروٹ بدل رہی ہوگی
پیڑ کی چھال سے رگڑ کھا کر
وہ تنے سے پھسل رہی ہوگی
نیلگوں جھیل ناف تک پہنے
صندلیں جسم مل رہی ہوگی
ہو کے وہ خواب عیش سے بیدار
کتنی ہی دیر شل رہی ہوگی
Jee hi jee mein woh jal rahi hogi
Jee hi jee mein woh jal rahi hogi
Chāndni mein Tahal rahi hogi
Chānd ne tāñ li hai chadar-e-abr
Ab woh kapRe badal rahi hogi
So gayi hogi woh shafaq-andām
Sabz qandeel jal rahi hogi
Surkh aur sabz wadiyoñ ki taraf
Woh mere saath chal rahi hogi
ChaRhte chaRhte kisi pahāRi par
Ab woh karwat badal rahi hogi
PeR ki chhaāl se ragaR kha kar
Woh tane se phisal rahi hogi
Neelgūñ jheel nāf tak pehne
Sandaleen jism mal rahi hogi
Ho ke woh khwab-e-aish se bedār
Kitni hi der shal rahi hogi
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں