جز گماں اور تھا ہی کیا میرا — جون ایلیا
شاعر
جز گماں اور تھا ہی کیا میرا
جز گماں اور تھا ہی کیا میرا
فقط اک میرا نام تھا میرا
نکہت پیرہن سے اس گل کی
سلسلہ بے صبا رہا میرا
مجھ کو خواہش ہی ڈھونڈنے کی نہ تھی
مجھ میں کھویا رہا خدا میرا
تھوک دے خون جان لے وہ اگر
عالم ترک مدعا میرا
جب تجھے میری چاہ تھی جاناں
بس وہی وقت تھا کڑا میرا
کوئی مجھ تک پہنچ نہیں پاتا
اتنا آسان ہے پتا میرا
آ چکا پیش وہ مروت سے
اب چلوں کام ہو چکا میرا
آج میں خود سے ہو گیا مایوس
آج اک یار مر گیا میرا
Juz gumān aur tha hi kya mera
Juz gumān aur tha hi kya mera
Faqat ik mera naam tha mera
Nikhat-e-pairahan se us gul ki
Silsila be-sabā raha mera
Mujh ko khwahish hi dhūnDne ki na thi
Mujh mein khoya raha Khuda mera
Thook de khoon jaan le woh agar
Aalam-e-tark-e-mudda'a mera
Jab tujhe meri chāh thi jaanañ
Bas wohi waqt tha kaRa mera
Koi mujh tak pahunch nahin paata
Itna āsān hai pata mera
Aa chuka pesh woh murawwat se
Ab chalooñ kaam ho chuka mera
Aaj main khud se ho gaya mayūs
Aaj ik yār mar gaya mera
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں