کام کی بات میں نے کی ہی نہیں — جون ایلیا
شاعر
کام کی بات میں نے کی ہی نہیں
کام کی بات میں نے کی ہی نہیں
یہ مرا طور زندگی ہی نہیں
اے امید اے امید نو میداں
مجھ سے میت تری اٹھی ہی نہیں
میں جو تھا اس گلی کا مست خرام
اس گلی میں مری چلی ہی نہیں
یہ سنا ہے کہ میرے کوچ کے بعد
اس کی خوشبو کہیں بسی ہی نہیں
تھی جو اک فاختہ اداس اداس
صبح وہ شاخ سے اڑی ہی نہیں
مجھ میں اب میرا جی نہیں لگتا
اور ستم یہ کہ میرا جی ہی نہیں
وہ جو رہتی تھی دل محلے میں
پھر وہ لڑکی مجھے ملی ہی نہیں
جائیے اور خاک اڑائیے آپ
اب وہ گھر کیا کہ وہ گلی ہی نہیں
ہائے وہ شوق جو نہیں تھا کبھی
ہائے وہ زندگی جو تھی ہی نہیں
Kām ki baat main ne ki hi nahin
Kām ki baat main ne ki hi nahin
Yeh mera taur-e-zindagi hi nahin
Ae ummeed ae ummeed-e-nau-meedañ
Mujh se mayyat teri uThi hi nahin
Main jo tha us gali ka mast-kharām
Us gali mein meri chali hi nahin
Yeh suna hai ke mere kooch ke baad
Us ki khushboo kahin basi hi nahin
Thi jo ik fākhta udās udās
Subah woh shākh se uRi hi nahin
Mujh mein ab mera jee nahin lagta
Aur sitam yeh ke mera jee hi nahin
Woh jo rehti thi dil-mohalle mein
Phir woh laRki mujhe mili hi nahin
Jaaiye aur khaak uRāiye aap
Ab woh ghar kya ke woh gali hi nahin
Haaye woh shauq jo nahin tha kabhi
Haaye woh zindagi jo thi hi nahin
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں