کس سے اظہار مدعا کیجے — جون ایلیا
شاعر
کس سے اظہار مدعا کیجے
کس سے اظہار مدعا کیجے
آپ ملتے نہیں ہیں کیا کیجے
ہو نہ پایا یہ فیصلہ اب تک
آپ کیجے تو کیا کیا کیجے
آپ تھے جس کے چارہ گر وہ جواں
سخت بیمار ہے دعا کیجے
ایک ہی فن تو ہم نے سیکھا ہے
جس سے ملیے اسے خفا کیجے
ہے تقاضا مری طبیعت کا
ہر کسی کو چراغ پا کیجے
ہے تو بارے یہ عالم اسباب
بے سبب چیخنے لگا کیجے
آج ہم کیا گلہ کریں اس سے
گلۂ تنگیٔ قبا کیجے
نطق حیوان پر گراں ہے ابھی
گفتگو کم سے کم کیا کیجے
حضرت زلف غالیہ افشاں
نام اپنا صبا صبا کیجے
زندگی کا عجب معاملہ ہے
ایک لمحے میں فیصلہ کیجے
مجھ کو عادت ہے روٹھ جانے کی
آپ مجھ کو منا لیا کیجے
ملتے رہیے اسی تپاک کے ساتھ
بے وفائی کی انتہا کیجے
کوہ کن کو ہے خودکشی خواہش
شاہ بانو سے التجا کیجے
مجھ سے کہتی تھیں وہ شراب آنکھیں
آپ وہ زہر مت پیا کیجے
رنگ ہر رنگ میں ہے داد طلب
خون تھوکوں تو واہ وا کیجے
Kis se izhār-e-mudda'a keeje
Kis se izhār-e-mudda'a keejiye
Aap milte nahin hain kya keejiye
Ho na pāya yeh faisla ab tak
Aap keejiye toh kya kya keejiye
Aap the jis ke chāra-gar woh jawāñ
Sakht beemār hai dua keejiye
Ek hi fan toh hum ne seekha hai
Jis se miliye use khafa keejiye
Hai taqāza meri tabiyat ka
Har kisi ko charāgh-pā keejiye
Hai toh baare yeh aalam-e-asbāb
Be-sabab cheekhne laga keejiye
Aaj hum kya gila karein us se
Gila tangi-e-qaba keejiye
Nutq-e-haiwāñ par girāñ hai abhi
Guftagu kam se kam kya keejiye
Hazrat-e-zulf-e-ghāliya-afshāñ
Naam apna sabā sabā keejiye
Zindagi ka ajab mu'āmla hai
Ek lamhe mein faisla keejiye
Mujh ko aadat hai rooth jaane ki
Aap mujh ko manā liya keejiye
Milte rahiye isi tapāk ke saath
Be-wafāi ki intehā keejiye
Koh-kan ko hai khudkashi khwahish
Shāh Bāno se iltijā keejiye
Mujh se kehti thīñ woh sharāb aankhein
Aap woh zehr mat piya keejiye
Rang har rang mein hai dād-talab
Khoon thūko toh wāh wāh keejiye
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں