سارے رشتے تباہ کر آیا — جون ایلیا
شاعر
سارے رشتے تباہ کر آیا
سارے رشتے تباہ کر آیا
دل برباد اپنے گھر آیا
آخرش خون تھوکنے سے میاں
بات میں تیری کیا اثر آیا
تھا خبر میں زیاں دل و جاں کا
ہر طرف سے میں بے خبر آیا
اب یہاں ہوش میں کبھی اپنے
نہیں آؤں گا میں اگر آیا
میں رہا عمر بھر جدا خود سے
یاد میں خود کو عمر بھر آیا
وہ جو دل نام کا تھا ایک نفر
آج میں اس سے بھی مکر آیا
مدتوں بعد گھر گیا تھا میں
جاتے ہی میں وہاں سے ڈر آیا
جون ایلیا
Saare rishte tabāh kar aaya
Saare rishte tabāh kar aaya
Dil barbaad apne ghar aaya
Ākhirash khoon thookne se miyaan
Baat mein teri kya asar aaya
Tha khabar mein ziyaan-e-dil-o-jaan ka
Har taraf se main be-khabar aaya
Ab yahaan hosh mein kabhi apne
Nahin āūñga main agar aaya
Main raha umar bhar judā khud se
Yaad mein khud ko umar bhar aaya
Woh jo dil naam ka tha ek nafar
Aaj main us se bhi mukar aaya
Muddaton baad ghar gaya tha main
Jaate hi main wahaan se dar aaya
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دسمبر 1931ء کو امروہہ جیسے علم و تہذیب کے امین شہر میں پیدا ہونے والے سید حسین جعفری، یعنی جون ایلیا کا تعلق ایک نہایت ممتاز عالم گھرانے سے تھا۔ ان کے والد سید شفیق حسن ایلیا عربی، فارسی اور منطق کے است...
مکمل تعارف پڑھیں