سر ہی اب پھوڑیے ندامت میں — جون ایلیا
شاعر
سر ہی اب پھوڑیے ندامت میں
سر ہی اب پھوڑیے ندامت میں
نیند آنے لگی ہے فرقت میں
ہیں دلیلیں ترے خلاف مگر
سوچتا ہوں تری حمایت میں
روح نے عشق کا فریب دیا
جسم کو جسم کی عداوت میں
اب فقط عادتوں کی ورزش ہے
روح شامل نہیں شکایت میں
عشق کو درمیاں نہ لاؤ کہ میں
چیختا ہوں بدن کی عسرت میں
یہ کچھ آسان تو نہیں ہے کہ ہم
روٹھتے اب بھی ہیں مروت میں
وہ جو تعمیر ہونے والی تھی
لگ گئی آگ اس عمارت میں
زندگی کس طرح بسر ہوگی
دل نہیں لگ رہا محبت میں
حاصل کن ہے یہ جہان خراب
یہی ممکن تھا اتنی عجلت میں
پھر بنایا خدا نے آدم کو
اپنی صورت پہ ایسی صورت میں
اور پھر آدمی نے غور کیا
چھپکلی کی لطیف صنعت میں
اے خدا جو کہیں نہیں موجود
کیا لکھا ہے ہماری قسمت میں
Sar hi ab phoRiye nadāmat mein
Sar hi ab phoRiye nadāmat mein
Neend aane lagi hai furqat mein
Hain daleelein tere khilāf magar
Sochta hoon teri himāyat mein
Rūh ne ishq ka fareb diya
Jism ko jism ki adāwat mein
Ab faqat aadatoñ ki warzish hai
Rūh shāmil nahin shikāyat mein
Ishq ko darmiyāñ na lao ke main
Cheekhta hoon badan ki usrat mein
Yeh kuch āsān toh nahin hai ke hum
Rooth'te ab bhi hain murawwat mein
Woh jo ta'meer hone wali thi
Lag gayi aag us imārat mein
Zindagi kis tarah basar hogi
Dil nahin lag raha mohabbat mein
Hāsil-e-kun hai yeh jahān-e-kharāb
Yehi mumkin tha itni ijlat mein
Phir banaya Khuda ne Ādam ko
Apni soorat pe aisi soorat mein
Aur phir aadmi ne ghaur kiya
Chhipkali ki lateef san'at mein
Ae Khuda jo kahin nahin maujood
Kya likha hai hamari qismat mein
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں