تنگ آغوش میں آباد کروں گا تجھ کو — جون ایلیا
شاعر
تنگ آغوش میں آباد کروں گا تجھ کو
تنگ آغوش میں آباد کروں گا تجھ کو
ہوں بہت شاد کہ ناشاد کروں گا تجھ کو
فکر ایجاد میں گم ہوں مجھے غافل نہ سمجھ
اپنے انداز پر ایجاد کروں گا تجھ کو
نشہ ہے راہ کی دوری کا کہ ہم راہ ہے تو
جانے کس شہر میں آباد کروں گا تجھ کو
میری بانہوں میں بہکنے کی سزا بھی سن لے
اب بہت دیر میں آزاد کروں گا تجھ کو
میں کہ رہتا ہوں بصد ناز گریزاں تجھ سے
تو نہ ہوگا تو بہت یاد کروں گا تجھ کو
جون ایلیا
Tang āghosh mein ābād karoon ga tujh ko
Tang āghosh mein ābād karoon ga tujh ko
Hoon bahut shād ke nāshād karoon ga tujh ko
Fikr-e-eejād mein gum hoon mujhe ghāfil na samajh
Apne andaaz par eejād karoon ga tujh ko
Nasha hai rāh ki doori ka ke ham-rāh hai tu
Jaane kis shehr mein ābād karoon ga tujh ko
Meri bāhoñ mein behakne ki saza bhi sun le
Ab bahut der mein āzād karoon ga tujh ko
Main ke rehta hoon ba-sad-e-nāz gurezaañ tujh se
Tu na hoga toh bahut yaad karoon ga tujh ko
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دسمبر 1931ء کو امروہہ جیسے علم و تہذیب کے امین شہر میں پیدا ہونے والے سید حسین جعفری، یعنی جون ایلیا کا تعلق ایک نہایت ممتاز عالم گھرانے سے تھا۔ ان کے والد سید شفیق حسن ایلیا عربی، فارسی اور منطق کے است...
مکمل تعارف پڑھیں