تو بھی چپ ہے میں بھی چپ ہوں یہ کیسی تنہائی ہے — جون ایلیا
شاعر
تو بھی چپ ہے میں بھی چپ ہوں یہ کیسی تنہائی ہے
تو بھی چپ ہے میں بھی چپ ہوں یہ کیسی تنہائی ہے
تیرے ساتھ تری یاد آئی کیا تو سچ مچ آئی ہے
شاید وہ دن پہلا دن تھا پلکیں بوجھل ہونے کا
مجھ کو دیکھتے ہی جب اس کی انگڑائی شرمائی ہے
اس دن پہلی بار ہوا تھا مجھ کو رفاقت کا احساس
جب اس کے ملبوس کی خوشبو گھر پہنچانے آئی ہے
حسن سے عرض شوق نہ کرنا حسن کو زک پہنچانا ہے
ہم نے عرض شوق نہ کر کے حسن کو زک پہنچائی ہے
ہم کو اور تو کچھ نہیں سوجھا البتہ اس کے دل میں
سوز رقابت پیدا کر کے اس کی نیند اڑائی ہے
ہم دونوں مل کر بھی دلوں کی تنہائی میں بھٹکیں گے
پاگل کچھ تو سوچ یہ تو نے کیسی شکل بنائی ہے
عشق پیچاں کی صندل پر جانے کس دن بیل چڑھے
کیاری میں پانی ٹھہرا ہے دیواروں پر کائی ہے
حسن کے جانے کتنے چہرے حسن کے جانے کتنے نام
عشق کا پیشہ حسن پرستی عشق بڑا ہرجائی ہے
آج بہت دن بعد میں اپنے کمرے تک آ نکلا تھا
جوں ہی دروازہ کھولا ہے اس کی خوشبو آئی ہے
ایک تو اتنا حبس ہے پھر میں سانسیں روکے بیٹھا ہوں
ویرانی نے جھاڑو دے کے گھر میں دھول اڑائی ہے
Tu bhi chup hai main bhi chup hoon yeh kaisi tanhāi hai
Tu bhi chup hai main bhi chup hoon yeh kaisi tanhāi hai
Tere saath teri yaad aayi kya tu sach much aayi hai
Shāyad woh din pehla din tha palkein bojhal hone ka
Mujh ko dekhte hi jab us ki angRāi sharmāi hai
Us din pehli baar hua tha mujh ko rafāqat ka ehsaas
Jab us ke malboos ki khushboo ghar pahunchāne aayi hai
Husn se arz-e-shauq na karna husn ko zak pahunchāna hai
Hum ne arz-e-shauq na kar ke husn ko zak pahunchāi hai
Hum ko aur toh kuch nahin soojha albattah us ke dil mein
Soz-e-raqābat paida kar ke us ki neend uRāi hai
Hum donoñ mil kar bhi diloñ ki tanhāi mein bhaTkein ge
Pāgal kuch toh soch yeh tu ne kaisi shakl banāi hai
Ishq pechāñ ki sandal par jaane kis din bel chaRhe
Kiyāri mein paani thehra hai deewaron par kāi hai
Husn ke jaane kitne chehre husn ke jaane kitne naam
Ishq ka pesha husn-parasti ishq baRa harjāi hai
Aaj bahut din baad main apne kamre tak a nikla tha
Jooñ hi darwāza khola hai us ki khushboo aayi hai
Ek toh itna habs hai phir main saansein roke baitha hoon
Veerāni ne jhāRoo de ke ghar mein dhool uRāi hai
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں