ہے کدھر قبلہ بتاؤ کس طرف سر خم رہے
ہے کدھر قبلہ بتاؤ کس طرف سر خم رہے میری نظروں میں تو ہر سو قبلۂ عالم رہے زندگی جیسی بھی کچھ ہو جو بھی کچھ عالم رہے دم بھرے جائیں گے تیرا دم میں جب تک دم رہے داغ دل زخم جگر سے اور کچھ مطلب نہیں بات صرف اتنی ہے کوئی یادگار غم رہے کس نے محسوسات کی دنیا کو بخشی آگہی چاہنے والوں میں پہلے تم رہے یا ہم رہے دیدۂ تر اک علامت ہے حیات عشق کی دل میں خود دھڑکن رہے گی چشم جب تک نم رہے اس حسیں الجھن سے سو سو حسن پیدا کیوں نہ ہوں زلف کی ہر برہمی پر جب کوئی برہم رہے عزم و استقلال ہے شرط مقدم عشق میں کوئی جادہ کیوں نہ ہو انسان اس پر جم رہے دور جانا ہے تجھے اک بات سن لے دور کی خوش مسافر آں کہ می دارد بغربت ہمرہے بن گئیں خود آفت جاں اپنی گوناگونیاں عشق ہو یا حسن ہر پردے کے پیچھے ہم رہے میری پہلی پرورش تقدیس کی آغوش میں قدسیوں کے سر بھی کاملؔ میرے آگے خم رہے
English rendering
Hai kidhar qibla batao kis taraf sar kham rahe Meri nazron mein toh har soo qibla-e-aalam rahe Zindagi jaisi bhi kuch ho jo bhi kuch aalam rahe Dam bhare jayenge tera dam mein jab tak dam rahe Daagh-e-dil zakhm-e-jigar se aur kuch matlab nahin Baat sirf itni hai koi yaadgar-e-gham rahe Kis ne mehsoosat ki duniya ko bakhshi aagahi Chahne walon mein pehle tum rahe ya hum rahe Deeda-e-tar ek alamat hai hayat-e-ishq ki Dil mein khud dhadkan rahegi chashm jab tak nam rahe Is haseen uljhan se sau sau husn paida kyun na hon Zulf ki har barhami par jab koi barham rahe Azm-o-istiqlal hai shart-e-muqaddam ishq mein Koi jaada kyun na ho insaan us par jam rahe Door jaana hai tujhe ek baat sun le door ki Khush musafir aan ke mai daarad ba-ghurbat hamrah rahe Ban gayin khud aafat-e-jaan apni guna-gooniyan Ishq ho ya husn har parde ke peechhe hum rahe Meri pehli parwarish taqdees ki aaghosh mein Qudsiyon ke sar bhi Kamil mere aage kham rahe